Monday, 13 June 2011

SEMALAM DEN KONO RABO NGAN ULAU....serrr...serr...

Assalamualaikum yoo semuo, den hari ni nak cakap nogori, kalau ekau raso den cakap salah, ekau botolkan yoo jangan buek den serbo silap ngeja eii...

Somalam dolu...hari ahad, 12 Jun 2011...den poie jalan-jalan dongan si Shukor ngn Shahdan, porut den lapa bonar hari tu...kantin kek sobolah bilik den ni ha tutop, semuo pranita duk lapa rupo singo...cacin-cacin dalam porut den duk singing lagu cha-cha...sopatotnyo den kelua dongan si Hashidee duo tigo ore, den pakai punyo somat, aleh-aleh kensel...hangin den satu badan. Porut lapa...den ngajak yoo si Shukor, sobab eh dio ado keto...den takdo, bolom boli laie...den kojot dari pukoi sombilan, pukoi soboleh baru gorak ko PD...lapa wehh...


Sosampeinyo den, Shukor ngan Shahdan kek PD masing-masing poie bank, pas poie bank...poie Stesen Bas, poie pasaraya, aihh...cacin tuka lagu keroncong pulak...layan yoo jangg...kono poie makan jugak ni... Shukor bawak den ngan Shahdan makan kek topi laut, kek ikan bakar tu...tapi den tak oda la ikan bakar, kang mahai sapo nak sapot...hahaha...

Pas makan konyang...ermmm tak la konyang sangat, kami gorak ko Teluk Kemang, poie cuci-cuci mato yoo kek pantai, sambil makan ABC...Shahdan sapot...haha, syok eh...kono bolanjo...maso kami poie Teluk Kemang tu ada la Karnival 1 Malaysia, macam-macam adooo...tapi den tolokek dokek ula...si ula albino tu ha...bosa mangai, kaler kuning...dio bolit-bolit, soram sey, tapi den buek-buek gagah yoo...semua jenis ula kek situ den pogang...lombut yoo uponyo, tok ganeh cam manusio...hahaha...

Cakap banyak tak guno meh la tengok gamba yang kami tangkap kek sano...

soronok bonar den kono rabo ngan ula...
 sompek den nyakat si Shahdan ha..igat den takut ko ngn ula?..
 muko cuak si Shahdan, dia koba lombek-lombek yoo...
geli ula gorak-gorak kek badan..eee...
Haa...yang ni bukan ula, ni lipan...lipan baro kek tangan si Shukor..real yo?..
dapek maso dio eksiden dolu..somat ehh...hahaha....


**Seronok bonar den dapek tengok laut....hahaha...


No comments: