Saturday, 18 June 2011

DEN POIE MANCING...err..tengok je sobona ehh!

Assalamualaikum Warahmatullahiwabarakatuh~

     Hari ni Sabtu 18 Jun 2011, den poie mancing...ehehe, mcam kek tajuk tu kato den tengok yoo sobona eh...den mano la ado joran, ingat nak la buek joran guno kayu bakau ngan tangsi yoo...tapi sogan la, ramai bonar yang mancing kek situ, kang apo kato mereko...mulo-mulo tak ramai mano, masuk yo jam 1400 ehh...botambah-tambah lak manusio kek situ, tok paneh ko jang?agaknyo memang tompek dia kot...donga cita si Siakap dongan Jenahak dok berjimba-jimba kek situ...ohh, panehnyoo Port Dickson...

Mulo-mulo sampai den dah cadang nak hupdate kat belog, sebab tu den amik pic kawasan sekitar...ni la tompeknyo, dokek Lukut.

tu sarang burung layang-layang, maju kan mereka?...ado umah batu, den sondiri tak do umah laie...

Den suko amik gambo yoo...tapi kali ni gambo den satu pon takdo, sobab den sogan nak suruh depo ngambik gamba den yang hitam haa...

maso ni masing-masing bizi, den sorang yo free...bleh snap-snap gamba suko hati den.. 
ni lah hasil potamo yang naik kek darat...Ikan Gelamo mak ilai-ilai...oleh Abear..
Ni la rupo umpan yang digunokan oleh mereko, umpun-umpun ado gak,
 tapi den tak sompek nk amik gambo ahh...ekau goggle sondiri yoo..
ooooOOOoo Abear makan umpun-umpun sorang yoo...haha.. 
ni Megat, dapek gak seko Ikan Gelamo mak ilai-ilai... 
Arul dapek gak...sian kek dio duo tigo jam mengumpan baru dapek...
Ni dio hasil tangkapan Arul..Ikan bawal sobosa tangan den ha...
Todak ni kena jala...
   

**Pojie ngn Mayat langsung takde tangkapan huhu...sabo jelah samo yo ngan den, kiro den standart siket la tengok yo x dapek ikan, tapi ekau duo mancing tak dapek ikan...haha, lenkali dapek kot...Tengs kek korang sobab bawak den poie mancing, itam pon takpo, asal ado pongalaman yoo...sekian dolu, okbai!

No comments: