Sunday, 19 June 2011

APO KONO EH JANG?...

Assalamualaikum warahmatullahiwabarakatuh...

Bosamo den laie Krafman Julia, seh sajo nok cerito pasei Jang ni haa...dio nok sangek kek Milah, tapi si Milah tu dah nak nikah, omak si Jang ni dok posan kato jangan di konang-konang tunang orang, doso...poie la mandi omak si Jang kato...kobau tak makan laie...

si Jang ni pulok sekolahnyo pandai, jadi tak nadak lah dio cok sawit, ko bondang apo laie...katonyo apo standart dio sekolah tinggi, haishhh Jang~ Jang~ zaman sokarang ni jangan milih keje, kek mano buleh duit ekau sapu yo, tapi yang halal la, yang haram jangan...ekau tengok la si Milah tu dah kono pinang, ekau la duit takdo, kalo ado dah lamo omak eh si Jang masuk minang Milah.


Apo Kono Eh Jang
( P: )
Jang oh Jang
Mano pulak poi eh budak bertuah ni
Sonyap yo...
Siaplah jang oi...
Kobau tu tak boghi makan lai

( L: )
Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih

( P: )
Apo kono eh jang kau monong ajo
Orang ke bulan ekau di mano
Muko berpoluh apo teghaso
Carian ubek penawa duko

( P: )
Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah

( P: )
Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam

( P: )
Ha... tu lah, dulu lai den koba kan
Kojo jang... kojo.
Ni.. ke kobun maleh
Ke sawah liat pulak tu

( L: )
Ah.. Omak ni..
Sekolah tinggi tinggi takkan ke sawah do
Buek malu yo...

( P: )
Nak kan anak orang tak payah beduit
Apolah nak jadi kau ni jang oi hai...

( L: )
Abih macano mak
Badan seh ni nak domam yo ghaso eh

( P: )
Dah den koba an dulu kumpo kan duit
Pinanglah copek ini kau tangguh an
Ke sawah kota mengumpo belanjo
Bekonan den si milah buek menantu

( P: )
Apo lai kau sosakan
Menghaung tak ado guno
Milah kawin minggu dopan
Melopong kau jang putih mato
Jangan lai dikonang konang
Asik dikonang merano badan

( L: )
Bekocak air di boting
Limau manih betaruk mudo
Bio becacak koghih dan lombing
Putih kuning den tarik juo

( P: )
Kau nak apo an milah tu pulak
Jangan jang, malu omak
Kito yang susah nanti

( L: )
Seh tak kiro
Seh nak an jugo milah tu mak
Apo nak jadi, jadilah

( P: )
Dah di haruk setan ko budak ni
Dunio pun tak nampak layi...

( L: )
Ke jelobak ke jelobu
Tuai padi tigo tangkai
Kato ombung den...
Kato ongah den...
Kato ocu den
Podih nyo hati menanggung malu
Tak mati badan menghasai... Aih

( P: )
Apo kono eh jang...


**harini den blur skek sobab buleh outing sampai 1400 yo..tak sompek poie pantai...

No comments: